港台記者利君雅就721元朗恐襲向林鄭質問一句：「講人話啦唔該！」，搏得全港網民掌聲。一向敢言嘅女歌手方皓玟，就用「人話」做主題，琴晚公開新歌《人話》MV，畫面穿插過去幾個月嘅政府記者會、遊行片段同警暴畫面，歌詞直截了當，快狠準控訴政權：「聽你講嘢聽到忟，用你的特殊技能扮中肯」、「真相早已失了蹤，任你作偏頗劇情是空洞」、「你喜愛妖言惑眾，經已看通」、「tell me what 7 you say，還擺出高姿態你講撚夠未」、「tell me what 7 you say，良心一早已失去抹黑口耳鼻」
MV 上載唔夠一日，點擊已經破 15 萬！網民大讚方皓玟有 guts 有良心，大家都準備星期一投票推到佢拎最喜愛女歌手獎！其實小明除咗女歌手入咗五強，呢首《人話》暫時喺903播咗3次，如果趕得切星期三前喺903播到上榜，都會有資格候選今年嘅我最喜愛的歌曲獎，而早前網民力推嘅《願榮光歸香港》，今週播放次數暫時0次，相信未能上榜，不過唔緊要，呢首歌喺香港人心目中已經好有份量。
方皓玟 - 人話 MV：https://www.youtube.com/watch?v=ENB0BeZx4yw
（作曲：方皓玟／作詞：方皓玟／編曲：何山／監製：許創基 / 何山）
#大愛小明 #我最喜愛的女歌手 #毫無懸念
Search